::: مـنتدى قبيلـة الـدواسـر الـرسمي ::: - الشيخ فيحان بن شجاع بن محماس بن سويلمه ال بريك (عضو شرف للموقع الرسمي لقبيلة الدواسر)

http://www.alduwasser.org/Bsmllah.gif

الحمد الله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار وروّاد الموقع الرسمي لقبيلة الدواسر

http://img801.imageshack.us/img801/4949/p1080753z.jpg
الشيخ فيحان بن شجاع بن محماس بن سويلمه ال بريك

توجهت إدارة الموقع ممثلةً بـ عضو مجلس إدارة الموقع الأستاذ فهد بن هادي الغريري وعوض مجلس إدارة الموقع الأستاذ راشد بن محسن المسعري, والمراقب محمد بن فهد الرجباني , والمشرف عبدالرحمن بن فلاح ال بريك, وعضو الموقع عقاب بن هذال ال بريك

حيث كان في إستقبال وفد الموقع الرسمي لقبيلة الدواسر : جمعٌ من أبناء آل سويلمة الكرام يقدمهم الشيخ فيحان بن شجاع بن محماس بن سويلمه ال بريك

وقد قامت إدارة الموقع الرسمي للقبيلة بتسليم الشيخ فيحان بن شجاع بن محماس بن سويلمه ال بريك
العضويّة الشرفيّة للموقع بمنزلة الكائن بمنطقة العمارية

لقطات مصوّرة لـ تسليم فيحان بن شجاع بن محماس بن سويلمه ال بريك العضويّة الشرفيّة للموقع ولقطات للحضور :

http://img822.imageshack.us/img822/2315/p1080744.jpg
يظهر من اليمين فهد الغريري ويليه الشيخ فيحان بن محماس بن سويلمه ويليه احد ابنائه ويليه راشد المسعري ويليه عقاب ال بريك

http://img824.imageshack.us/img824/8682/p1080748p.jpg
يظهر من اليمين عبدالرحمن ال بريك ويليه فهد الغريري ويليه الشيخ فيحان بن سويلمه ويليه محمد الرجباني ويليه عقاب ال بريك

http://img704.imageshack.us/img704/4459/p1080751j.jpg

http://img15.imageshack.us/img15/9198/p1080764d.jpg

http://img825.imageshack.us/img825/1774/p1080765.jpg

http://img15.imageshack.us/img15/9198/p1080764d.jpg

الشيخ فيحان بن شجاع بن محماس بن سويلمه ال بريك بسطور

الشيخ /فيحان بن شجاع بن محماس بن سويلمه من ابرز الاسماء في قبيله ال بريك
الرجل الذي له مساهمات المستمره للاصلاح سواء على مستوى القبيله اوالقبائل الاخرى

فهو يسعى بالخير دائما فيما يخصهم وهو المبادر الاول دائما لاجتماعاتهم وحل منازعاتهم والمطالبه في حقوقهم
وحثهم على الترابط فيما بينهم.

وهو من المهتمين بجمع مايخص قبيله الدواسر على العموم ومن الداعمين سواء
ماديا اومعنويا لابراز اسم القبيله في جميع النشاطات المشرفه ويسعى دائما بالتشجيع المستمر لكل من يقوم
بالعمل اللذي يخص ابرازاسم وسمعه القبيله

والده الشيخ شجاع بن محماس بن سويلمه امير شمل قبيله ال بريك

وجده محماس بن سويلمه امير شمل قبيله ال بريك كافه ومن الفرسان المصنفين على مستوى القبائل في
الجزيره العربيه وقد اشتهر بكرمه وشجاعته

وله من الاحفاده

صاحب السمو الامير/مقرن بن فيصل بن مقرن بن محمد ال سعود
صاحب السمو الامير /مشاري بن فيصل بن مقرن بن محمد ال سعود
صاحب السمو الامير /سعود بن فهد بن فرحان ال سعود
صاحب السمو الامير /تركي بن فهد بن فرحان ال سعود
الامير /خالد بن سعد بن خالد بن احمد السديري

الشيخ فيحان بن شجاع بن محماس بن سويلمه في عيون الشعراء

قصيده للشاعرحمود بن عبيد ال بريك موجهه للشيخ فيحان بن شجاع بن سويلمه

قالو الامير وقلت الامير فيحان =اهو الامير اللي يعز الاماره
ولا اسب في غير ولا اقلل الشان= فيه الحميا والكرم والنعاره
شيخ ولدشيخ ومن روس شيخان= ماهو سوى اللي شيخته التجاره
له منزل ابين من البدر لابان= لامن صفا جو السما من غباره
ياما تعنا له من البعد ضيفان= يمناه تعطي قبل تدري يساره
كم قدم القعدان مع قرح الضان =عقيد قوم مايهاب الخساره
والعود الازرق يتبع دلال رسلان= وفنجال بن مايقلل بهاره
هوشيخنا هو ذخرنا طيرحوران= عسل الكبود وللحرايب شراره
عند اللوازم ما تتقا ولا لان =اسمه رفيق الطيب واصبح شعاره
ومحماس جده لاغشا الجو دخان= ثمن رما جثل الذوايب خماره
الفارس اللي للتقا له بفرسان= مثل الاسد لاقابلته النماره
من لابه في ساعه العسر كرمان= يوم الجهل سقم الحريب ودماره
واهل الوفا تجزا راعي الطيب بحسان =وانا جزا الطيب عجزت اقتداره
لاشك انا له ما بقى العمر مندان= رفيقه المخلص ورهن الاشاره
ولو كان في نجد وانا رحت بعمان= لازاد بعده زادعندي وقاره
وقرب القلوب اخير من قرب الاعيان= واقرب من اللي ساكنين بحاره
يالله ياللي بالحيا منت منان= ابومحمد جعل تسقي دياره
وليا اكتسا العارض شعيب ووديان= زرنا طويل العمر فيها ازياره
شوفه يشيل الهم ويزيل الاحزان= مثل العلاج اللي يزيل المراره
واللي خلق مكه وهاذيك الاركان= ان شوفه الطيب لعيني بشاره
طولت فالغربه ولاهوب سلوان= غصب على قلبي ماهوب اختياره
وانا بفضل الله لي العز مسكان= لاكن غريب الدار ليله نهاره
ورجلن بلا ربعن وصدقان واخوان= يصير بين الناس حده جداره
والذيب ما ياكل اذا ماله اسنان= اكسر جناح الطير وانضر طياره
ومسك القصيده من فهيم لفهمان= اقبل تحياته وارق اعتذاره

هذه القصيده للشاعر:هديان بن مناحي بن هديان ال بريك موجهه الى الشيخ :فيحان بن شجاع بن سويلمه

يالله ياللي عن العالم حجب غيبه= ياملك الملك راع الملك سبحانه
الطف بقلب دواليبه تدوي به= في صفحه الشعر حط اسمه وعنوانه
نشدت انا اهل المعرفه ويش اسوي به= قالو مقر الشهامه دوك عنوانه
ملفاك حرن عديمات مضاريبه= من ماكر ما تروده كل شيهانه
ماكر حرارن وماضيتن تجاريبه =يوم كلن يكيل بصاع ديانه
فيحان نسل الشيوخ اللي تماريبه =بيض العذارى ام عفات على شانه
وفي مدح فيحان شعري زان ترتيبه= بصخر له الشعر وانظم فيه قيفانه
اما نصاك القصيد فويش نبغي به= ومن لامدح مثلك انت فيكذب لسانه
ساس الصخا والوفا والجودوالطيبه= سلمن ل فيحان وجدوده وعمانه
لاشاهد الضيف يا ما حلا ترايبه= والعود الازرق يغطي الجو دخانه
وان جا نهار عصيب عاوي ذيبه= يارد بروحن لحوض الموت طربانه
رباه عود نضيفات مشاريبه= على دروب المراجل حط ميزانه
رد النظر في شباب كاثرن شيبه =نفسه من الوقت مدميته وبلشانه
لك وفقه تقطع الشكات والريبه= يامزبن اللي نصاكم والدهر خانه
ياامير وقتي عجزت ادرك مطاليبه= وما نزهم الا الشيوخ ونترك العانه
هذا جوابي ومنك الرد تحريبه= للي زهمك انت خص لابد شانه
والختم صلو على اللي في ثرى طيبه= الدين جابه ووضح جمله اركانه

هذه القصيده مهده من الشاعر:محمد بن عبد الله السهلي للشيخ:فيحان بن شجاع بن سويلمه

المدح في فيحان ماهوب مجهول= المدح في فيحان كلن يقوله
يستاهله عرض ويستاهله طول= ابو محمد طيبات ادلوله
ومن لامني في مدح فيحان مهبول= وكل على ماقيل يلقا قبوله
مفراص ماص لكل مغلق ومقفول= مفتاح باب مغلقات قفوله
ديوان بيته بالمسايير مدهول= كريم سبلا والمديح محصوله
وماقفه تشهد على كل مااقول= ويمناه ماهي فاللزوم مغلوله
يوم الردي كفه عن الطيب مغلول= ابومحمد مطلقات اشبوله
فتال منقوض ونقاض مفتول= وفي ساحه النوماس يسرج اخيوله
رفيع راس وخف نفس ومقبول= وعلى الوفا والطيب يشعب ذلوله
يفداه رديان ويفدونه هتول= ويفده نذل بايهات وصوله
والا انت يا فيحان منته بملول= ياحايز نوط الشرف والبطوله
يقولها اللي يصخر القاف بوصول= وامدحك ياللي كايدات فعوله
من غير مندوب ومن غير مرسول= صلو على محمد نبيه رسوله

هذه القصيده للشاعر: بادي بن محمد بن هذال ال زامان موجهه للشيخ:فيحان بن شجاع بن سويلمه

سلام ياراس الرجاجيل فيحان= اميرنا ياعزي وتاج راسي
حرن رقى المجد في راس مبان= رابي على الطالات مفراص ماسي
امير ياساس الكرم طير حوران= يالطيب اللي مال طيبه قياسي
يزهمك منهو دون سجن وسجان= اسهر وعيني ماتهنا نعاسي
دون السفر يالقرم شبك وجدران= في غرفتن حرجه ولا به وناسي
ماطلعت انا سري لحاسد وعدوان= ولا شكيت الالشرواك باسي
لاجاني احدن قلت سامح وطربان =وان هموم الوقت شلبت براسي
جار الزمن وخاطري يالشلي شان =وهاذي سوات الوقت لين وقاسي
انخاك يومك من طويلين الايمان =اللي تحمل الشداد القواسي
ياسعد منهم محزمه يوم الاكوان= حريبهم ماذاق حلو النعاسي
الطيب لك مشهود خال وجدان =من العصر الاول في زمان الحماسي
ياحاملين الخط ودوه فيحان=اميرنا ياعزي وتاج راسي
مني سلامن عد مابينن بان= واعداد شمخات الجبال الرواسي
وصلو على محمد عدد خضرالاغصان= واعداد نبتن صار للارض كاسي

وفي الختام تتقدم إدارة الموقع الرسمي لقبيلة الدواسر العريقة بخالص الشكر والتقدير لـ الشيخ فيحان بن شجاع بن محماس بن سويلمه (حفظه الله تعالى ورعاه) على ما رأته إدارة الموقع من كرم الضيافةِ وحسن الإستقبال الغير مستغرب من آل سويلمة الكرام وعلى ما وجه الشيخ فيحان بن شجاع بن محماس بن سويلمه من كلماتٍ طيبات بإتجاه ما تقوم به إدارة الموقع من عمل إتجاه القبيلة مقدرين وشاكرين . .

(صوت قبيلة الدواسر)
منتدى قبيلة الدواسر الرسمي
www.alduwasser.org/vb