إمّا تكاتفنا وصرنا جميعا = في الآخرة ما أحدٍ يساعد صحيبه
إللي ما يظهر في الشدايد وياقف = خله يولي والليالي تجيبه
ومن قال أنا من دون ربعي تخليت = لابد من سود الليالي تغزيبه
مصايب الدنيا عسى الله يكافي = تطحن رحاها والقوي تغديبه
لولا الحمايا والتلاحم غدينا = مثل الهدف لا كبر كلن يصيبه

يا الله قدرني على الأمثالي = في موقفٍ ماله سوى الأبطالي
عن ربعي آل سويلم أهل الطالة = أهل الوفا وأمجادهم تنقالي
هل وقفة يوم الجهل معروفة = سم(ن) ذحاح للعدا قتّالي
عوق الخصيم إللي نصانا طامع = ونزبّن إللي حدته لحوالي
أقول عنهم مرحبا واشهرها = إعداد ما لقح السحاب وزالي
واعداد من زار الحرم حجاجي = واعداد ما خط القلم بارسالي
بشيوخنا وربوعنا نعلنها = ترحيبةٍ ترقى على الأطلالي
وكل القبايل من شباب وشايب = وكل الشيوخ ومن حضر فالحالي
وللي دخل في السالفة وانهاها = حياكم الله واسمعوا لقوالي
لو تطلبون ارواحنا نعطيكم = الروح ترخص لادخلها ارجالي
إلكم علينا واجبٍ ملزومي = سلم القبايل من قديم وتالي
والحمد لله هانت الاوضاعي = بوجودكم يرخص صعيبٍ غالي
وبوجودكم ما كن شيء صاري = راحت وزالت وانتهت لهوالي
الله يبيّض وجه من نومسنا = ربعي هل الوقفات والأفعالي
ما ردوا (إبن قويد) في مطلوبه = و (محمد بن قويد) ذرب الخالي
و (مطرف) زعيم الطيب والأمداحي = أميرنا تضربه الأمثالي
وجاه الشيوخ وجاه من جاء طالب = مطلوهم ما راح في المنخالي
والحمد لله والشكر له واثني = من وين ما وجه يجي مدخالي
في ذا البلد حنا ترانا اخواني = في ظل من خيره علينا طالي
(صقر العروبة) قايد(ن) للأمه = اللي مشى نهجه على المنوالي
العادل الفذّ الحكيم المنهل =الحاكم العادل نظيف البالي
ابو السياسة والدهاء والحنكة = أبو التواضع مرغم الأنذالي
حر يعشي مخلبه لا نهدي = بصيد ما ينصاد في المحوالي
(عبدالله بن معزي بن الفيصل) = اسم يهز اعداه لامن صالي
الله يحفظه للوطن ذكراً له = ويحفظ (ابوخالد) عضيد غالي
(سلطان) سلطان السعد والعزّه = عساه طول العمر والامهالي
والنايب الثاني على امن الدولة = (نايف) ونايف نايف للجالي
والله يحفظ بلادنا معموره = في ظل (أخو نوره) تعيش اجيالي
ويا مرحبا ثم أرحبو نثنيها = اختم بها قافٍ يشووق البالي

يا هاجسي من قبل مبدأ أجاريك = ببدي بسم ربٍ على الكون عالي
يا واحد ما خاب من هو بيرجيك = يخالق مفني عظيم الجلالي
يا سامعٍ دعوة دعاء من يناديك = وما غيرك أحد بدعيبه وأسالي
وحان الوعد من ذي لذي لذيك = وبختار في الجزلة وأكب الهزالي
وآرد على عدّ ورودة مهاليك = ولا جيته إلا واثقٍ من حبالي
عدٍ إوروده كلبوهم مصاكيك = ودحمتهم من شان ماه إزلالي
ومن بعدها سلام تسليم يكسيك = يا معرب الجدين عم وخالي
أبوك مران وذا بس يكفيك = شيخ الدواسر وأن يا امير غالي
بسمي واسم ربعي عسى الله يبقيك = ومن كان معكم يا كريم السبالي
والله يحيّ من لفانا وأحيك = زحول الرجال اللي تعزّ الرجالي
أجناب ولا ربع والعلم ينبيك = ياللي تريد العلم هذا مقالي
حبيت أعبّر والمعاني مسابيك = وأقولها من بعد جالي مجالي
ياللي سعيت الصلح تشكر مساعيك = وكل يقول الشكر ماني لحالي
من بيننا صارت ولا فيه تشكيك = إما نصير إخوان في كل حالي
لجات من عايل وصارت شرابيك = إنا وهم نرسي سواة الجبالي
ربعٍ بني عم ولافيه تفكيك = الجد واحد والفعايل إجزالي
من يومها بضرب القناء والبلاجيك = (لآد العميري) من قديم وتالي
ياللي تريد إفعولنا دوم توفيك = يشهد لنا التاريخ والراس عالي
وتمّت بيوت(ن) محكماتٍ مسابيك = ونقدّتها نقد الذهب والريالي

من قبل مبدأ القصيدة ومنطق لساني = سلام للي يعرف الحقّ ويدله
تسليمةٍ تشمل القاصي مع الداني = وكل أبلج(ن) ينثني للحمل ويشله
اليوم يوم(ن) بذلتوا فيه الإحساني = يا اهل الوفا والفخر والطيب والمله
اليوم بمدح وانا للمدح شفقاني = بمدح رجال(ن) عزاز ما بها ذله
واختصّ من هو لفعل الطيب كسباني = شيخ(ن) لحب الجمايل بان في حلّه
هذا (محمد) وهو من نسل شيخاني = سلالة اللي يعقد الحبل ويحلّه
أبوه من هو يبين بدون برهاني = (مران) كاسب سنام المرجلة كلّه
من بعدها يا بني عمي هل الشاني = يا طيب من هو يشوف ويدمح الزلّه
إنا ترى في المواقف دايم إخواني = الصف واحد ولا نرضى من يخلّه
ربعي اهل الطيب والنوماس شجعاني = رجالنا دايم(ن) الجود طبعٍ له
أفعالنا ذابته في مرّ الأزماني =وكل(ن) فعوله بتاريخه تسجله
(لآد العميري) تغزّ الضيف والعاني = وعلى العدو سيفنا دايم نسلّه
وباقي القبايل نعم من دون حقراني = كل(ن) يحق وفالطيب كسبٍ له