::: مـنتدى قبيلـة الـدواسـر الـرسمي ::: - سجـــــــل حضــــــورك ببيـــت قصيــــــــد ..

- :: قسم الـشعر العــام :: (http://alduwaser.org/vb/forumdisplay.php?f=16)

رد: سجـــــــل حضــــــورك ببيـــت قصيــــــــد ..

يعني على حبك بظل وتظلين
شوفي صميم القلب هذا مكانك

رد: سجـــــــل حضــــــورك ببيـــت قصيــــــــد ..

ما كل جرح يعالجه ضحـك و مزوح ... أحيان جـرحي من سبايـب مزوحي

رد: سجـــــــل حضــــــورك ببيـــت قصيــــــــد ..

قال أنا كني غريب ضيع دروب المدينة
......................... قلت أنا كني مدينة تنتظر رجعة غريب

رد: سجـــــــل حضــــــورك ببيـــت قصيــــــــد ..

الله خلقني بنت ماني برجال
وان كنت ابرهن بالمواقف فعالي
انثى تحل وتربط العلم لاطال
تشبعت عرف ورساوة جبالي

رد: سجـــــــل حضــــــورك ببيـــت قصيــــــــد ..

إذا مليت من حبي بس قلي على النية
.................... ترى انا قلبي طيب يذوق المر ويغني!!

رد: سجـــــــل حضــــــورك ببيـــت قصيــــــــد ..

لاخير في[رجلٍ]قصآرٍ شبوحه
ولاخير في "سيفٍ" نثر دم رآعيه
ماجيت ابي مد اليدين{الشحوحه}
ولاجيت"ضآمي"في رجا الغير يسقيه

رد: سجـــــــل حضــــــورك ببيـــت قصيــــــــد ..

يعيين الله على دنــيـآآ تخلي خـــآآطري مــكــسـوور

آآســآآيــريــهـآ وآنــآآ رآآضــي غــصــب عــنـي الله يعيين

رد: سجـــــــل حضــــــورك ببيـــت قصيــــــــد ..

خاطرك طيب والنوايا ملاطيم
وكلن مع التوفيق يجني قطافه
الجوهرة عدت على عاتق الغيم
راحت تسامى في طريق الخرافة
علمتها لعب الطرب والتنغايم
ورقيتها روس النوايف حرافة

الشاعر:
مساعد الراشد
حريف صوغ ابداع سبك وترانيم
عشيق مرقاب المعاني اكهافه
فكر البيوت النادرات الخواصيم
جود القريحه ماتصنع كلافه

رد: سجـــــــل حضــــــورك ببيـــت قصيــــــــد ..

ومن ضاع في مدخله ما دل مخراجه
لولا النفوس الشريرة ما حد(ن) يعدم
ولا جهل راعي المنهاج منهاجه
من يفعل الطيب بأهل الطيب مايندم
يرصد رصيد يفيدة كل ما حتاجه
بيت الشرف لو يطول الوقت مايهدم
بيبانه مشّرعه ما قفل مزلاجه

رد: سجـــــــل حضــــــورك ببيـــت قصيــــــــد ..

ما كل من يضحك بدنياه مسرور

لو ضحكته دايم تحرك حجاجه

وما كل من يبكي من الناس مقهور

بعض الدموع رخاص من شان حاجه

وما كل صادق لو حكا لك من شعور

يا كثر من زيف المشاعر خراجه

وما كل ما يخفا من السر مستور

بعض الوجيه ابين من ارهف زجاجه

وما كل بيتٍ بابه انصك مهجور

كم بيتٍ اطفا الشح واهج سراجه

وما كل من يسكت على الظيم مجبور

لجل الغلا ساكت ويدعي انفراجه

وما كل عله فادها طب دكتور

كم من عليلٍ وصل خله علاجه

وما كل من سمي صقر يشبه صقور

كم من صقر وقت الشدايد دجاجه

مماراق لي...

رد: سجـــــــل حضــــــورك ببيـــت قصيــــــــد ..

أنا يابنت ياعالية القوم مقدار
بالقلـب حلـــــــه والعيــن تراعيه
حبك على الراس والراس طار!!
وطارت رقـــاب لجل حبك تعاديه
ألا يامن تعلى حبه فوق الأقدار
وأغوى غشيــــم بالهوى فيــه
الشوق جمرة!!..وشوقي يحرقني بنار
نــار تلظى وسط صدري وتكويه
من كثر شوقي لطيفها حبني جدار!!!
أشوفه عليه,فأقوم أضمه وأحتمي فيه
سألني الجدار:ياعاشق وش اللي لك صار
في "شــهار"سرير لعقلك شكله يحتريه
قلت:العفو ياصاحبي على ماصار
"أحبها" وكلي لهــــا وفرحهــــا أرتجيه
سألني الجدار:من هو اللي بالفكر حار؟
وخلاك"تحتمي بالجدار وتدفيه"!!
قلت الملاك اللي على اسمه ياحلاه
ملاك بطيبــــه علــــق القلب فيه

رد: سجـــــــل حضــــــورك ببيـــت قصيــــــــد ..

على (( مواعيد الغرام السعيده ))
احسب محاصيل الوفا بآخر العام
وانسى تفاصيل .. الجروح الجديده
واسامح الغالين .. من قبل لا انام
واكتب من انفاسي وشوقي قصيده
واغلف احزان المشاوير .. باحلام
وادور لشوق الغلا . واستعيده ؟؟
لك يا معنيّني مسافات .. واقدام
فتش حشا قلبي وفتش وريده ؟؟
يفداك يا اغلى من قعد به ومن قام
وتعال شف جوالي وشف .. بريده
رسايلك موجوده جداد .. وقدااام
واغلى هدايا ربي .. ويوم عيده
لا بان رقمك يا بعد كل الارقام
يا زين طبعك فالكلام ويا جيده
في مبسمك سحر الحكي مصدر الهام
مشاعري من قبل اعرفك بليده
احييتها بك من عقب ماهي صيام
لو هبت رياح الغياب الشديده
قصر المحبه ما تزعزعه الايام
خفف من غيابك .. علي لا تزيده
مشتاق والمشتاق . ماهو بينلام
لولا المخافه .. والشرف .. والنقيده
كحلت عيني بك .. لو ان خاطري شام
اصد من بيتك .. وانا احب سيده
صدة غريق صاح .. والموج لطام
يا لعنبو الايام .. وش مستفيده ؟؟
حدتني انسى الشوق واعيف الاحلام
يا موثق قلبي جفا .. فك قيده ؟؟
اسرتني .. لهفه وعبرات وهيام ؟؟
ان غبت كني فاقد لي .. فقيده
وان جيت هبت ريحة ورود وخزام
كل عام وانت سنين عمرك مديده
وكل عام وعيوني على شوفك ايتام
وكل عام وانت الذكريات السعيده
الى تخاويني من العام .. للعام

حمد البريدي المري...

رد: سجـــــــل حضــــــورك ببيـــت قصيــــــــد ..

وتعال شف جوالي وشف .. بريده
رسايلك موجوده جداد .. وقدااام
واغلى هدايا ربي .. ويوم عيده

رد: سجـــــــل حضــــــورك ببيـــت قصيــــــــد ..

وان جيت هبت ريحة ورود وخزام
كل عام وانت سنين عمرك مديده
وكل عام وعيوني على شوفك ايتام
وكل عام وانت الذكريات السعيده
الى تخاويني من العام .. للعام

رد: سجـــــــل حضــــــورك ببيـــت قصيــــــــد ..

أنا اللي مابقى فيني مْن الدنيا سوى سربال
وحظٍ كالحٍ يكدح وقلبٍ يذهل شتاته
وعثرة ماخطت رجلي ودربٍ كم علي احتال
وسيفٍ من ورق يخجل.. نسى آخر بطولاته!