|
لا والله الا ماعاد في صفي احد سعد والساري في خير ياولد ماتغيب بكره وين الصفوف ياشباب نبي نسمع صوت لاتبخلون علينا |
لله الله صح الله السانك الشعار الكبار
المسعرى وابو حاجونه بس انا بصف ابوو حاااجونه ضدك يالمسعرى :) الشايب مع الشايب تحيات بدر العجمى |
ارحب ارحب لعنبو دارك عان الشايب تو مازحف صندوقه امر وتدلل ان قال الله اني لا سريه ذالليل على شان خاطرك اجتمعوا الشيبان هل الفروت الاوله وينك يالمسعري سر الليل سره |
ههههههههه
شوى شوى عليه ترا الحاجونه توجع هههههه عشان ماتوقف ضدى يالمسعرى مره ثااانيه :) الاوكاد ان الحاجونه علومها علوم |
اهب يالعود
من غير ماتنشد ترا الوسم باين=كم مطرقاً وقع بذيك المتاين لاشك رح به للمطوع وعاين=والصبر زين وكل مطرود ملحووق
الضاهر انك يالخبل قاعد تحلم لك حلوم=شوفك ضعيف ولاسرت غيرك ترا يرتدها الجمس ابوشكمان محلي لاضرب وسط العقوم=لو دبل السايق حراماً مايوصل حدها |
بدر العجمي
سويتها ولاخفت عقباها يالشايب وحده بوحده هااااه لاكن انشاء الله ان نحشركم يالشيبان في زاويه |
طيب طيب اليوم ماودك نجيب المطمه ,,, حتى نخربها مع كل يمه واظن انا بعطيك بعض المهمه ,,,,, والصبر زين ...........
مادام بدر العجمي ابصفي يشاهد ومخدوم = واللي سرت ماليبها والا تراني قدها والجمس سواقه لفح وجهه لواهيب السموم = بعض اتهاماتك تراني ماشين في ضدها |
هاذي والله ابرك الرديات اللي عرفتنا على الاخ العزيز والشاعر الكبير بدر العجمي والنعم والله فيه وفي ربعه وارحب تراحيب المطر يابدر العجمي ,,,,,,,,, والله انه اول مره ايتبارك المسعري ذالليل بحضور الاخ بدر تقبل اصدق المحبة والتقدير من اخوك الشايب ابو حاجوووونه |
الشاعر الكبير بدر العجمي ارحب تراحيب المطر رحبوا معي بالشاعر الداهيه بدر العجمي مشرف اقوى منتديات المحاوره منتدى العتبان ومنتديات قحطان ومطير وشمر ولا ادخل منتدى محاوره الا وبدر العجمي له حضوره القوي في هذا المنتدى ويشرفني كثيرا معرفه هرم شعري بمكانته والللعب معه فحياك الله وبياك يابوسعد في منتدى الدواسر اللي انت مقصر فيه جدا وننتضر ابداعاتك -------------------------------------------------------------------------------- |
الله يسلمك يالمسعرى ياشاعرنا الكبير
واشكرك كل الشكر على الاطراء الى اكبر من حجمنا ولا يأتى الا من ناس كبار فى اخلاقهم كيف ولا وهم اعيال زايد ومع ذالك انا لا زلت مع ابو حاجونه :) الشايب مع الشايب مافيه فكه :) .................................................. .. واشكرا الشاعر الكبير اخى وشايبى ابو حاجونه الشاعر والاستاذ وللامانه انتم عمالقه واساتذه ولنا الشرف فى زيارتكم ومحلنا مافيه شك تحياتى للجميع |
الله يخارج منك ياذا البليه=شكلك على النشبه تسوق المطيه امهمتك وحدك ولاهي بليه=والصبر زين وكل مطرود ملحوق
ابوسعد معروف منزاله على عالي الطموم=ولا انت عودا شغلتك ياهاتها ياودها وقع هنا يالعود تسلم من المشاكل والهموم=الناس في ذا الوقت ماتلقا نديد يندها |
اقتباس:
اسلم اسلم والله انه بعيد على الى يبى ابو حاجونه الفعل بين والبيب بالاشاره يفهم |
لا والله الا قمت ترخي لذانيك ,,,, شد العزايم لاتدانى هقاويك اعطيك رايي وانته اتقول مابيك ,,, والصبر زين ...................
ان طعتني يابوك في دربي نبي منك العزوم = لا بد ماتفرح وتفتح كشرتك لابدها وانا ماوقّع لايطيش البحر ماتعرف تعوم = وانكان تبغانا نعقّدها نزيد اعقدّها |
الشاعر الكبير المسعرى
والشاعر الكبير ابو حاجونه تشرفنا معكم فى هالمحراف الطيب ونستأذنكم لوجود مشوار باكر صبيحه ولا كان بنتابع معكم ونستفيد منكم تصبحون على خير |
لاهنتوا لاهنتوا
اقتباس:
ابيض وجه يابوحاجونه والله لايهينك ادري اني سهرتك وعديتك حزتك بس اللعب مع الشياب له طعمه الخاص وينسيك الوقت والله لايهين الجماهير اللي وقفوا معي ومعك ولاتخلينا من ذالليل ومثله وتقبل الود والاحترام |
الساعة الآن 09:11 PM
 |
Powered by vBulletin® Copyright ©2000 - 2024, Jelsoft Enterprises Ltd.
---