أنتو غلاكم في الضماير حلاوى=أو بالأصح أقول سكـر نباتـي
من بعدكم بيبان قلبي تهـاوى=الله يصبرني ويجمـع شتاتـي

لا تحسب إن الدمع للجرح داوى=فات المحاجر مير مالجرح فاتي
ولو الفتى حظه والأماني تساوى=ما شفت أنا الفرقى بذا الجرح تاتي
ماقول شفــّي نلتقي والرجاوى=إلا عسى الفرقى تجيها الوفاتي
وتعود ثم تبشر لك القلب ماوى=وتاقف على مكسب غلاك أمنياتي
لو إن قلبك بيقبض لجل يغلي رشاوى=حرام أنا لأرشيه باقي حياتي

انتو غلاكم في الضماير حلاوى = او بالاصح اقول سكر نباتي
من بعدكم بيبان قلبي تهاوى = الله يصبرني ويجمع شتاتي

اللي مشى درب المحبه وهاوى= تضيق بعيونه جميع الجهاتي
تلقى الفرح والحزن عنده تساوى = يعيش في الماضي وفي الذكرياتي
وانا الذي من شين حظه تخاوى = مع هاجسن صادر لذيذ السباتي
حسبي على اللي له ضلوعي تعاوى= اللي سلب عقلي ودمر حياتي
اللي عليه طيور قلبي تصاوى = اليا ذكرت ايامنا الماضياتي
بس آتصبر بالامل وآتقآوى = وفي كل يوم اقول بكره بياتي

الف شكر للشاعره نجديه على جهودها لمواصلة هذا التميز بين الشعراء
لتحريك المنتدى الادبي واشعال روح التنافس بين الشعراء بكل حب وود

وهذي مجاراتي لابيات الشاعر الغالي تركي بن هذال بن نيف
رغم صعوبة قافيته اللي اتعبتنا لكن هذا ماتيسر لي من الله سبحانه