ياابن آدم كل ماكنـت انظـر الجـرح العظيـم = مالقيت اعظم من جروح الندم بين الجروح
ويـا ابـن آدم كـل ماقلـت الزعامـه للزعـيـم = ينتشي بي كبريائـي فـوق شاهقـة الصـروح
والـدروب يقودهـا درب الصـراط المستقـيـم = واستقامات البشر بين الصراحه والوضوح
والغصون اللي فرحها غيـر لا هـب النسيـم = ماتسـأل عـن معـانـاة الحـمـام الـلـي يـنـوح
ياهل الزور ان حلفتو زوركـم وجـه الكريـم = فاح ريحاً من الكذب والكذب له ريحاً يفـوح
يارحيم الصـدر ضايـق حيـل ستـرك يارحيـم = والدروب طوال واقدامي من اللهفه جمـوح
اعطنـي مـن لدنـك التوفيـق والعقـل الحكيـم = والعزيمـه والمـعـزه والمـراجـل والطـمـوح
والقمـر يغرينـي اغنـي علـى اللحـن القديـم = ويجـذب البـراق عينـي كـل ماشفـتـه يـلـوح
والقـسـاوه للـرجـولـه والنـعـومـه للـحـريـم = ياكثـر ناسـا تجـي فـي عينـي وناسـا تــروح
اكثـر اهـل الارض خلانـي وانـا مالـي نـديـم = يشتكون جروحهم عنـدي وانـا كلـي جـروح

المشاركة الأصلية كتبت بواسطة بنت الذيب (المشاركة 688249) ^ ^ منوووره المنتدى اختي النايفه وآخر الغيبات ان شاءالله :) !